Alp Honegg
Auf einer Geländerippe
Laag
D Alp liit uf eppis uber 1400 Meter uber Meer underhalb vum Gitschä und biätet ä prächtigä Üsblick uf ä Ürnersee, uf ds Riisstal und ds Schächätal.
Bsunderhäit
Wiä s dr Namä säit, liit diä Alp uf ärä typischä Aheechi. Im Alpbäizli chennet d Wanderer und d Üsfliggler eppis ässä und trinkä.
Chääs
Produziärt wärdet näb em Alpchääs verschideni schpezielli Chäässortä.
«Grad mängem Älpler sig da ds Lachä vergangä, wenn är i dem Alpgebiät na Mitternacht nu häig wellä ä Jass chlopfä: Entweder siget d Jasschartä verschwundä oder äs gschpängschterhafts Wiibervolch häig si uber ä Tisch gläit.»
Ürner Sagäwält